يونيو 24, 2021

جريدة الحياة نيوز

رئيس مجلس الادارة : نسرين رمزي

مراسل عسكري .. حكايات من قلب المعركة

كتبت نرمين بهنسي
كلمات على لسان احد أصدقاء الشهيد
من ٨ سنين وبالتحديد في يوم ٢٣ مايو ٢٠١٤ اليوم اللي حياتي فيه اتغيرت سمعت خبر استشهاد اخويا الصغير وصديقي مكنتش اعرفه قبل كده هو ضابط امن مركزي وانا ضابط جيش جمعتنا الصدفه اننا نكون سوا في نقطه واحده في طابا كان معايا ضابط قبل رامي اتنقل وجه رامي استلم منه وحيقعد معايا ٦ شهور اول مادخل واتعرفنا خطفني بمعني الكلمه كاني اعرفه من سنين قعد يحكيلي عن نفسه وشغله حسيت انه حد من اهلي كنا كتف بكتف لحد ما حصل فض رابعه وابتدت العمليات الارهابيه في سينا من يومها كنا مع بعض هو بعساكر الامن المركزي وانا بالمجموعه القتاليه من عساكر الحيش
وبالرغم من انه اصغر مني الا اني كنت بتعلم منه
كان بيخاف علي عساكره وبيحبهم وكان مستني بنته توصل للدنيا كان فرحان بيها اوووي
وانتهت فتره خدمته معايا واتنقل رفح وكنا بنكلم بعض نطمن علي بعض لحد ما في يوم بعد المغرب سمعت باستشهاد ضابط في رفح قلبي وجعني مسكت الموبيل اتصل عاوز اعرف احساسي صح ولا غلط وكانت صدمه حياتي رامي استشهد وهو بيحمي عساكره مات وساب بنته مكملتش ٦ شهور
مات وسابني اعيش حزين علي فراقه الصوره دي كان بيودع فيها الدنيا الشهيد ليه علامات بنعرف منها انه
شهيد رامي الجنجيهي
منسي التاني لا يقل عن منسي.