يونيو 24, 2021

جريدة الحياة نيوز

رئيس مجلس الادارة : نسرين رمزي

عمري ماهفرح.. بقلم أمل أمين

عمري ماهفرح
السعادة بالنسبه ليا
طريق بعيد
ولما بنجح
هتبقي صدفة صدقوني
الفشل ذايب
في دمي بالوريد
سكتي ظلمة وعتمة
لو دخلها النور
متسورة
بببان حديد
ولو كسرت قيودها
وهربت ونجيت
هتوقفني
برة مليون إيد
مد إيدك ويا إيدهم
رجعني كام خطوة لورا
خليني أرجع
ده مش بعيد
هي يادوب
كام خطوة مني
سعيت لحلم
وكان لازم أفوق أكيد
يلا رجعني لورا
أو أقولك
بسكينه تِلمة
وقطع القلب الوليد
اللي لسه يادوب بيحبي
وفي مكانه
خلص عليه
وارميه بعيد
إوعي يفلت من بين إيديك
او تسيبه يعيش
ويفرح أو يقوي
ويصبح شديد
مد ايدك
وانت جنبه كمان يلا
كله يجرح
كله يذبح
إنهوا جواه أي ضحكة
إوعاكم ألاقيه سعيد
قبل ما ترموه
إتاكدوا إنه خلاص
راح وإنتهي
ذوبوه في مر وصديد
قلب خيبان أهبل ذليل
عاش في الحضيض
وملهوش قيمة
زي العبيد
أمل أمين