يونيو 24, 2021

جريدة الحياة نيوز

رئيس مجلس الادارة : نسرين رمزي

الأوله أه .. بقلم أمل أمين

الأوله أه
والتانيه أه
والتالته أه
الأوله أه قلبي إتوجع
والتانية أه عمري إتخدع
والتالتة أه قهر وفزع
الأوله أه
قلبي إتوجع علي الطفل اللي سال دمه
التانيه أه
عمري إتخدع وضاع منه العشم كله
التالتة أه
قهر وفزع علي أمن وأمان إتمحي ضله
الأوله أه
يازمن عليت علينا الرخيص ورخصت فينا الغالي
تخلي واطي خسيس يدوس علينا ويتكبر ويتعالي
يطلعنا من أراضينا وبيوتنا بالقوة والعافية
ويذّبحوا عيالنا ويسيل دماهم تحت رجلينا الحافية
التانيه أه
عايشة سنين عمري متعشمة في حكم في قضية
قضية بلد وحقوق لشعب بيكافح من شعوبنا العربية
وعدا العمر وجبت عيال ونفس القضية هياها
مازال شعبها مسحول وفي العتمة محشور جواها
والتالتة أه
علي حلم إسمه أمان وسلام
لقيته كلام وأوهام أضغاث أحلام
عمر اليهود يا خوانا ماكان لهم كلمة
لا مناقشة نافعة ولاحوار مفيش عندهم ذمة
هنعمل إيه؟
لازمنا نكون صحيح أمة كيان واحد
نمد إيدينا نتصافح ونتسامح ونتعاهد
بأرواحنا وبقلوبنا هنسندهم وهنساعد
شبابنا كله رجاله
لاعمره جبان ولا عواله
ويوم ما نقوم بعون الله
هنقضي علي العدو الفاسد
ده أنا ابني حفيد صلاح الدين
وبكره يعيد كفاح حطين
ولا يبات أقصانا ليلة حزين
وعربيه ياقدس ويا فلسطين
بقلمي أمل أمين محمد الخولي
هو ده البوست ياجماعه اللي فوزت بيه الحمد لله رب العالمين.
أمل أمين محمد الخولي