فبراير 3, 2023

جريدة الحياة نيوز

رئيس مجلس الادارة : نسرين رمزي

متحبتيش رايحة لفين؟ بقلم سلمى المواردي

ليه تملي تايهه فـ الطريق
بـ رعشة خُطاكي والخوف صديق
كان لازم م الأول تفهمي
أرجعي متكمليش
ــــ متحبتيش ــــ
الكل حَب نفسه بيكِ
حَب نظرتك إلِيه
لكن ماحبِش عنيكِ
ــــ متحبتيش ــــ
كنتِ نقطه فـ اول سطر
كنتِ ضوء لـ أول فجر
كنتِ فرحه فـ يوم حزين
ــــ ومتحبتيش ــــ
الحب مش كلمة وخلاص
مش وقت عدا وم الأساس
كان وقت بس ملوش أساس
ــــ ومتحبتيش ــــ
كنتِ ضحكة فـ ويش كئيب
كنتِ نور فـ ليل وحيد
كان وجودك جميل وإن
يوم تغيبي متتحسيش
ـــــ متحبتيش ـــــ
أرجعي ولمي الجراح
متدوريش علىٰ حُب راح
خبي قلبك جوه حضنك ومتحتاجيش
ـــــ متحبتيش ـــــ
أرجعي وغطي الحنين
وإن يوم ظهر
لُهُ متروحيش ومتخطيش
فـ سكته ولا خطوه تانية
ارجعي ومتكمليش
ــــ متحبتيش ــــ
بوصي حواليكِ
شوفي الفراغ
شوفي مين
طبطب علىٰ الجراح
ومين خاف ورجع
من نص الطريق
وساب إيدكِ فـ
غربه وموت
من غير صديق
والخوف معشش فـ
الخطاوي وتقيييله
تقيله خطوة الغريق
ارجعي متكمليش
ــــ متحبتيش ـ