فبراير 1, 2023

جريدة الحياة نيوز

رئيس مجلس الادارة : نسرين رمزي

أمي أنا جيت لك

بقلم الشاعر الراحل أبي :- الأستاذ أمين محمد الخولي
أمي أنا جيت لك …جيت لك أنا
وإيديه مليانه انتصار
يادي الهنا…مين زينا
من بعد ليل …طلع النهار
الله علي الحضن اللي ياما اشتقت له
وطني الحبيب…اللي الكتاب بيرتله
حضنك يا بنت النيل … ويا أم الكفاح
بنتك أنا … سينا أنا
من فرحتي يا مصر… كل الحزن راح
من يوم ما تاهت خطوتي
ولحد يوم حريتي
مانسيتش يوم أنا إسمي ايه
وأنا بنت مين
كان الأمل في الله
وفي الأبطال بيتحدي السنين
ولا يوم بكيت … ولا يوم شكيت
وأحلف يا أمي ميت يمين
صنت الكرامة في اسم مصر
وأنا أهوه…خلاص جيت لك يا مصر
علشان أقول ويا الحبايب والزمان
رجع ابتسامنا… ومستحيل تاني اللي كان
وعشان نقول من قلبنا
عاشت حياتنا وأمنا
أم الأمل … أم الرجال المخلصين
عاشت لكل الدنيا مصر
عاشت لكل الدنيا مصر
عاشت لكل الدنيا مصر