أكتوبر 16, 2021

جريدة الحياة نيوز

رئيس مجلس الادارة : نسرين رمزي

خالد كامل…يكتب…في الصميم “”””””””””(الحظ)”””””””””””””

خالد كامل
انا مش عارف ليه معظم الناس بتختلف دايما مع بعض بسبب موضوع “الحظ” وسنينه و بحس إن “الحظ” بيبقي مربوط بالفشل والنجاح في الحياة ….فلما تلاقي #شخص ناجح في حياته ومجتهد وبيتعب بزيادة ويحرم نفسه من الراحة والاستمتاع بكل سبل الحياة تبص تلاقي كل اللي حواليه بيبصولوه وعنيهم عليه وصدورهم من جواها بتكون بتغلي وعلي آخرها و مليانة “حقد وغل وحسد” عليه ومش بيفكروا ابدا ولو لثانية واحدة إنه تعب وسهر الليالي…لكن اول كلمة بتتقال في الوقت ده تحديدا أن هذا الشخص “حظه” حلو وضارب نار فوق في العلالي. وكمان الشيطان بيكون في اللحظة ديه مستعد تماما ومجهز صبيانه (الزبانية) علشان لقي المدخل الصح اللي يقدر يدخل منه ببساطة وسهولة ويسر و يوجد الفرقة بين الناس علشان (يحقدوا ويحسدوا ويكرهوا )بعض علي الاخر وعلشان كده لازم الناس كلها بلا استثناء توقر وتحترم بعض وتعرف بالمنطق والحكمة أن لكل مجتهد نصيب ….وان الله لايضيع اجر من احسن عملا.
وان اللي بيشتغل وبيجتهد هو بس اللي بيكون “حظه” حلو واللي بايع ضميره ومش بيتعب و عاطل ومتكاسل ها تلاقيه في الاخر بيعترف وبمنتهي البجاحة وقلة العقل وبصوت عالي يقول “ليه يارب انا حظي وحش كده قوي في الدنيا ” وبرضه في الاخر بيتهم الناس بالبطلان والزور أنهم “حظهم” حلو واحسن منه.
*اللهم اهدي نفوسنا ولاتجعل بيننا مكانا للمتكاسلين والحاقدين والكارهين والذي هم لعبة في أيادي الشياطين.
*امين ..امين..امين..يارب العالمين.