نوفمبر 27, 2021

جريدة الحياة نيوز

رئيس مجلس الادارة : نسرين رمزي

خالد كامل…..يكتب…..في الصميم (السوق)

طول عمرنا من ساعة ما..إتولدنا وإحنا بنفرح قوي لما نسمع كلمة “عرض” و العرض في حد ذاته هو “صانع السعادة” علشان بيدخل البهجة والفرح والسعادة لنفسنا وبيريح قلوبنا من هموم ومشاكل الحياة. تماما زي عرض الأزياء لما الستات بتتفرج عليها
ف.تقوم تختار الازياء اللي بتميل لنفسها ومزاجها فتشتريها.
وكمان فيه عرض السيرك اللي كلنا بنحب نتفرج علي مهارة تأديب وتدريب الحيوانات للحركات البهلوانية بمساعدة المدربين علشان نضحك وننبسط.
و عرض كمال الاجسام الرجالي والحريمي والاتنين بيبان فيهم بشكل واضح جمال العضلات وتناسقها وبيفرحونا وبننبسط برضه بيهم زي لاعيبة الكورة ونصفق كلنا ليهم بمنتهي السعادة.
و عرض الاراجوز و العرائس و المسرح والاوبرا والفنون التشكيلية وكل العروض بتكون صانعة السعادة لقلوبنا أثناء المشاهدة.
بس مع الاسف الشديد “مهرجان الجونة” طلع إنه مش “عرض” من عروض السينما ولا حتي “عرض” من العروض السابقة.
ده طلع “سوق ” من اسواق النخاسة والرقيق. لعرض أجساد الفنانات.
المشهورات واللي المفروض إنهم يكونوا قدوة للأجيال الجديدة في عالم الفن… يتعلموا منهم الرقي والاحترام في التعامل والسلوك علشان هما في المقام الأول بنعتبرهم القوي الناعمة و العاملة علي دفع ونهضة وتقدم هذا الوطن الغالي لترتفع مكانتة فوق أعالي قمم النمو و الحضارة بين الأمم .
*اللهم اهدي فنانينا جميعا رجالا ونساءا واسترنا واسترهم بسترك الجميل فوق الارض وتحت الارض ويوم العرض عليك.
*امين. امين.. امين..يارب العالمين.