نوفمبر 27, 2021

جريدة الحياة نيوز

رئيس مجلس الادارة : نسرين رمزي

غنوة .. بقلم سلمى المواردي

غِنوة
مش عارفة أكتب أنا كلمتين
وأنا فـ ضيافة عينيك
أصل الليلة حلمت بيك
وعزمت أنا طيفك يومين
واليوم حبيبي مهوش ساعات
ولا وقت يعدي ومن سُكات
اليوم شهور وكمان سنين
وأنا وعيونك والحنين
والشوق معانا هيروح فين
قربني حبيبي لـ حضن عينيك
رجعني لـ دنيا مابين ايديك
أركانها سعاده
هواها حنان
وصوتك حبيبي فارد جناحين
وهطير وياهم فوق الانين
وهنسىٰ أنا حُزني
طول السنين
وهشوف الجنة من بعيد
مفروشة ورود فل وياسمين
وكله حبيبي من نور عينيك
شوفت جنونك عمل بي إيه
ومش عارفه أكتب أنا كلمتين
مهو أنت حبيبي كل الحاجات
كل الفرح كل الأهات
لو قولت جميل ده قليل عليك
والسحر كلة فـ نظرة عينيك
أحتار قلبي ياسِيد قلبي
وعيوني مش عارفه تخبي
يا احلىٰ عمر هعيش عمري
وياك حبيبي ولو يومين
ويتوه فـ حبك كل الكلام
ومعرفش أكتب أنا كلمتين
القلب راضي والعقل أحتار
أزاي عيشالك ليل ونهار
وبـ طيفك حبيبي ملكت كُونِين
كُون لعيونك وللـ خدين
وكُون يا حبيبي للـ قلبين
قلبي وقلبك و أحلىٰ سنين
شوفت جنونك عمل بي إيه
ومش عارفه اكتب أنا كلمتين
بقلم سلمى الموردي