يناير 28, 2023

جريدة الحياة نيوز

رئيس مجلس الادارة : نسرين رمزي

الرئيس الذي يحب وطنه ويحافظ عليه

 أحمد علي

السنة قبل إللى فاتت عملها الرئيس الأمريكى ترامب واعترف رسميا بأن 
القدس الشرقية عاصمة لإسرائيل ، غصبن عن الكل .. 
والسنة دي اعترف رسميا بأن :
[ مرتفعات الجولان السورية ] منطقة تابعة لإسرائيل ..
والسنة القادمة يمكن يعترف بأن :
[ مزارع شبعا اللبنانية ] من حق إسرائيل أيضا
وطبعا بالتأكيد الدور بعد كده على سيناء فى مصر

⚀ سيناء إللى عاوزين يحطوا فيها الفلسطينيين الغزاوية علشان يسيبوا أرضهم فى غزة لإسرائيل حسب خطة ( جيورا إيلاند ) المعروفة بصفقة القرن 

سيناء إللى ياما حاولوا يفهمونا أن السيسي مربط مع الامريكان و إسرائيل على تسليمها لليهود وتنفيذ صفقة القرن
طيب مصر / السيسي ..عملت ايه علشان تحافظ على سيناء .. ؟؟
لو أنت فاكر .. سنة 2015 
عندما حصل هجوم إرهابى على كمائن للشرطة فى سيناء .. طلع الرئيس/ السيسي غاضبا يتوعد ويهدد الإرهابيين وفى وسط الكلام قال عبارة غريبة لفتت انتباهي بشدة ساعتها ..
قال ايه .. ؟؟ ~~ قال :

سينا بتاعتنا ، ومش حنسيبها لحد 
ساعتها استغربت وحسيت أن الكلام مش موجه للإرهابيين أو حتى للتنظيم إللى نفذ العملية الإرهابية دى حسيت أن الكلام ده موجه لإسرائيل 

لما السيسي يهد ويدمر كل الانفاق دى وبالشكل وبالإصرار ده وبالتكاليف دى يبقى فعلا مش حيسيبها لحد 

لما السيسي يعمل 4 أنفاق جبارة بالشيء الفيلانى لربط سينا بالوادى وكمان سحارات سرابيوم لنقل مياه النيل لسيناء يبقى فعلا مش حيسيبها لحد 
لما السيسي ينزل بدباباته وبطياراته طحن فى الدواعش والإرهاب إللى معشش هناك فى العملية الشاملة يبقى فعلا مش حيسيبها لحد 

لما السيسي يتكلم عن رصد حوالى 275 مليار جنيه لإعمار وتنمية سيناء وإنشاء مدينة بئر العبد ومدينة إقتصادية يبقى فعلآ مش حيسيبها لحد 

لما السيسي يقوم بترسيم حدوده الشرقية مع السعودية وتروح شركات النفط هناك علشان تنقب ع الغاز والبترول يبقى فعلا مش حيسيبها لحد

يخلوا مبارك وحكوماته 30 سنة وهو شايل ايده من سيناء دى ومطنشها علشان دى أمانة عنده ، وحترجع فى يوم من الأيام لأصحابها ، بس بالأصول ..