يناير 28, 2023

جريدة الحياة نيوز

رئيس مجلس الادارة : نسرين رمزي

دي دنياي دواره

مصطفى سبتة 

ناس هايصه وناس لايصه.
ودنيا..دواره غريبه وقلابه
فيها. حزين وسعيد. وهادي 
وعنيد. وحَمل وتعالي وديابه
فيها شديد ومريض وقديم
وجديد ومليونير وغلابه
فيها شروق وغروب وليل ونهار.
فيها المرح والكئابه ناس وناس
ناس رقه واحساس وناس
قلوبها.. صخور. وحجاره
ناس. طيبه. من الخير قريبه
وناس قاسيه وجباره
ناس حلمهم عشه. وناس مالكه
فيلا وقصر وعماره
وهيه حظوظ.وقدر. عمرها ماكانت
ذكاوه ولا شطاره ناس وناس.
وناس بلا إحساس.وناس
زي النسمه. وعندهم. ضمير
وناس حياتهم ضد البشر..
فيهم نصاب وفيهم. شرير
وناس تخاف الحرام. وتعرف
ربناوفيهم.. نخوه.كتير
ودنيا دايره بأحوالها في حاجات
من غير تفسير ناس وناس…
ناس من حزنها ماتت وهيه
عايشه. من غدر البشر
وناس بقايا أكلها تأكل مدينه
وتايهين في شرب وسهر
وناس واصله للنجوم وناس
غلابه. من فقرها بتحتضر
ناس مشكلتها ان معندهاش
مشكله وناس عايشه الخطر